***** Samráðsfrestur hefur verið lengdur til 18. apríl 2024 ******

Í stjórnarsáttmála ríkisstjórnarinnar er kveðið á um að lög um verndar og orkunýtingaráætlun verði endurskoðuð frá grunni til að tryggja ábyrga og skynsamlega nýtingu og vernd orkukosta á Íslandi.

Hinn 26. janúar 2024 skipaði umhverfis-, orku og loftslagsráðherra sérstakan starfshóp um endurskoðun laga nr. 48/2011, um verndar- og orkunýtingaráætlun í samræmi við framangreint.

Starfshópurinn mun skoða og gera tillögur að breytingum á lögunum í formi frumvarps og greinargerðar til ráðuneytisins.

Niðurstaða starfshópsins ásamt drögum að frumvarpi og greinargerðar vegna málsins mun verða birt á samráðsgátt stjórnvalda þegar hópurinn hefur skilað niðurstöðum sínum.