Í frumvarpinu er mælt fyrir um breytingar á framkvæmd áhættumats, einkum vegna nýmæla að því er varðar mat á áhættu er tengist fjármögnun gereyðingarvopna, sem felur í sér viðbætur við ákvæði laga nr. 140/2018 um áhættumat stjórnvalda og leiða auk þess til breytinga á lögum um alþjóðlegar þvingunaraðgerðir og frystingu fjármuna, nr. 68/2023, um áhættumat tilkynningarskyldra aðila. Þá er mælt fyrir um breytingar á umgjörð varna gegn peningaþvætti og fjármögnun hryðjuverka í starfsemi tilkynningarskyldra aðila og loks á úrræðum eftirlitsaðila til beitingar sekta. Loks er í frumvarpinu að finna breytingar á öðrum ákvæðum sem talin var þörf á að bæta úr og komið hafa í ljós við beitingu þeirra.