Bókmenntastefnan hefur að geyma framtíðarsýn fyrir málaflokkinn, meginmarkmið sem stefnan hverfist um og aðgerðaáætlun sem tekur á fjölbreyttum þáttum bókmenntalandslagsins. Fjallað er um regluverk og tölfræði, lestur og skólasöfn, sjóði sem styrkja höfunda til ýmissa verka, þýðingar, miðlun og fræðslu. Kynntar eru til sögunnar nýjungar sem mikilvægt er að fá viðbrögð við frá hagsmunaaðilum og áhugafólki um bókmenntir. Um tilurð bókmenntastefnunnar og úrvinnslu er fjallað nánar í greinargerðinni sem fylgir með bókmenntastefnunni.