Í frumvarpinu er lagt til að gerðar verði afmarkaðar breytingar á lögum um námsstyrki, nr. 79/2003, þannig að skilyrði fyrir styrkveitingu verði rýmkuð þannig að einstaklingar sem hlotið hafa alþjóðlega vernd eða dvalarleyfi á grundvelli mannúðarsjónarmiða geti öðlast rétt til námsstyrks, uppfylli þeir skilyrði laganna að öðru leyti. Jafnframt er lögð til minni háttar orðalagsbreyting sem endurspeglar breytingar sem urðu á lagaumhverfi námslána við setningu laga um Menntasjóð námsmanna, nr. 60/2020.