Samkvæmt drögunum er ráðherra heimilað, að fenginni heimild Alþingis í fjárlögum, að ráðstafa þeim eignarhlut sem ríkissjóður á í Íslandsbanka.

Frumvarpsdrögin gera ráð fyrir ráðstöfun eignarhlutar með markaðssettu útboði, einu eða fleirum. Þannig gefst almenningi kostur á að taka þátt og kveða drögin á um að sala til einstaklinga hafi forgang. Með sölu eignarhlutarins er unnt að lækka skuldir og vaxtabyrði ríkissjóðs sem ella þarf að fjármagna rekstur sinn með öðrum og kostnaðarsömum hætti.