Niðurstöður

Áform um frumvarp til breytinga á lögum um opinber innkaup var birt í samráðsgátt og var tveggja vikna frestur veittur til að skila umsögnum. Í heildina bárust fimm umsagnir sem voru frá Samtökum iðnaðarins, Viðskiptaráði, Reykjavíkurborg, Consensa og einum einstaklingi. Umsagnirnar voru almennt jákvæðar gagnvart þeim breytingum sem lýst var í áformaskjali og þeim markmiðum sem þeim væri ætlað. Gengið verður frá frumvarpi vegna þeirra breytinga sem þörf er að gera á tilteknum ákvæðum í núgildandi lögum um opinber innkaup og leitast verður við að taka mið af þeim umsögnum sem bárust.