Í skattframkvæmd hafa komið upp ýmis álitamál varðandi gildissvið 10. tölul. 12. gr. laga um virðisaukaskatt nr. 50/1988 sem ástæða er til að bregðast við. Nauðsynlegt þykir að skýra betur efni ákvæðisins þegar þjónusta er seld til atvinnufyrirtækja, sem hvorki hafa heimilisfesti hér á landi né stunda hér atvinnustarfsemi frá fastri starfsstöð, þannig að ákvæðið samræmist betur meginstefi fjarlægðarreglunnar (e. destination principle) og leiði til aukins skýrleika og skilvirkni í skattframkvæmd.

Frumvarp um kílómetragjald vegna notkunar hreinorku- og tengiltvinnbifreiða var samþykkt á Alþingi í desember sl. og varð að lögum nr. 101/2023. Lögin tóku gildi 1. janúar sl. Í ljós hefur komið að þörf er á að skýra betur tiltekin ákvæði í lögunum, t.a.m. þau ákvæði er varða leiðréttingarheimildir og bifreiðar sem skráðar eru erlendis. Einnig mun vera tekið til skoðunar hvort rétt sé að styrkja enn frekar viðurlagaákvæði laganna.