Til umsagnar
19.2.–4.3.2024
Í vinnslu
5.3.2024–
Samráði lokið
Mál nr. S-47/2024
Birt: 19.2.2024
Fjöldi umsagna: 3
Drög að frumvarpi til laga
Umhverfis-, orku- og loftslagsráðuneytið
Umhverfismál
Drög að frumvarpi sem innleiðir þann hluta tilskipunar ESB 2023/959 (breyting á ETS-tilskipun 2003/87/EB) sem fjallar um ETS2-kerfið (losun frá byggingum, vegasamgöngum og smærri iðnaði).
Umhverfis-, orku- og loftslagsráðuneytið óskar nú eftir umsögnum við drög að frumvarpi til laga um breytingu á lögum nr. 96/2023 um viðskiptakerfi ESB með losunarheimildir (ETS2-kerfið). Tilskipun ESB 2023/959 var tekin upp í EES-samninginn 8. desember 2023, sbr. ákvörðun sameiginlegu EES nefndarinnar nr. 335/2023. Við samþykkt frumvarpsins verður tilskipun ESB 2023/959 sem breytir tilskipun 2003/87/EB (ETS-tilskipunin) að fullu innleidd. Í tilskipun 2023/959 sem breytir ETS tilskipuninni, er í IVa kafla fjallað um nýtt hliðstætt viðskiptakerfi svokallað ETS2-kerfi sem mun ná utan um losun frá byggingum (húshitun), vegasamgöngum og viðbótargeirum. ETS2-kerfið verður rekið samhliða ETS-kerfinu en losun frá því mun áfram reiknast sem samfélagslosun sem fellur undir svokallaða beina ábyrgð ríkja samkvæmt reglugerð ESB 2018/842 um sameiginlega ábyrgð (e. Effort Sharing Regulation ESR). Losun vegna bruna á jarðaefnaeldsneyti er stærsta uppspretta losunar sem fellur undir flokk samfélagslosunar og því er brýnt að draga úr losun frá þeim flokki.
Umsagnir voru birtar jafnóðum og þær bárust. Skoða umsagnir.
urn@urn.is