Endurskoðun þessi er nauðsynleg í því skyni að samræma ákvæði reglugerðarinnar nýjum loftferðalögum nr. 80/2022. Með þessari reglugerð er lagt til að fella úr gildi reglugerð nr. 1048/2012 um skaðabætur og aðstoð til handa farþegum í flugi sem neitað er um far og þegar flugi er aflýst, seinkað eða flýtt eða vegna tapaðs farangurs eða tjóns á honum.

Helstu atriði sem breytast frá núgildandi reglugerð eru eftirfarandi:

• Ekki er lengur talað um ákvarðanir Samgöngustofu í farþegamálum, heldur um úrskurði sem ekki eru kæranlegir til ráðuneytis.

• Ekki er lengur gert ráð fyrir að Samgöngustofa taki við erindum vegna tapaðs farangurs eða skemmda á honum.

• Gert er ráð fyrir að kvartendur greiði Samgöngustofu málskostsgjald að fjárhæð 5000 kr. sem endurgreiðist kvartanda falli úrskurður kvartanda í vil. Þetta er í samræmi við það sem fram kemur í núgildandi loftferðalögum og er einnig í samræmi við framkvæmd hjá úrskurðarnefnd um vöru- og þjónustukaup.