Ráðherra ber ábyrgð á skipan formanns og varaformanns loftslagsráðs, sbr. 3. mgr. 5. gr. b. í lögum nr. 70/2012 um loftslagsmál og kveður nánar á um skipan, hlutverk og störf loftslagsráðs í reglugerð, sbr. 5. mgr. sama ákvæðis.

Umhverfis-, orku- og loftslagsráðuneytið óskar því umsagna um drög að reglugerð um loftslagsráð. Markmið reglugerðarinnar er að stuðla að því að loftslagsráð sé starfrækt með skýrum og skilvirkum hætti, í samræmi við 5. gr. b. laga um loftslagsmál, nr. 70/2012. Með drögum þessum er kveðið á um hámarksfjölda fulltrúa í loftslagsráði og hæfniviðmið sem ráðherra skal hafa til hliðsjónar við skipan fulltrúa í loftslagsráð svo fullskipað loftslagsráð endurspegli fjölbreytta þekkingu sem mun gagnast ráðinu við að sinna lögbundnu hlutverki sínu. Jafnframt er kveðið á um í drögunum að loftslagsráð skuli tryggja með reglubundnum hætti, samtal hagaðila og ráðsins.

Gert er ráð fyrir að við setningu reglugerðarinnar verði skipað í loftslagsráð á grundvelli hennar.