Hafinn er undirbúningur að 24. til 27. skýrslu Íslands um alþjóðasamninginn um afnám alls kynþáttamisréttis (e. Convention on the Elimination of Racial Discrimination). Skýrslan mun taka til áranna 2018 til 2024, en leitast verður við að gefa sem réttasta mynd af því hvernig samningnum hefur verið framfylgt á því tímabili og hvernig tekið hefur verið tillit til lokaathugasemda nefndarinnar til Íslands frá 18. september 2019.

Skrifstofa jafnréttis- og mannréttindamála í forsætisráðuneytinu mun halda utan um skýrsluskrifin, í samstarfi við stýrihóp Stjórnarráðsins um mannréttindi. Einnig verður lögð áhersla á samráð við hagsmunaaðila og er því óskað eftir ábendingum og tillögum um þau atriði sem leggja skal áherslu á í skýrslunni. Þegar drög að skýrslunni liggja fyrir verða þau kynnt á samráðsgáttinni og verður þá hægt að koma frekari athugasemdum á framfæri.

Frjáls félagasamtök geta gert sínar eigin skýrslur og sent nefndinni, en nánari upplýsingar um það ferli má nálgast hér: https://www.ohchr.org/en/treaty-bodies/cerd/information-civil-society-ngos-and-nhris.