Markmið frumvarpsins er að veita Verðlagsstofu skiptaverðs skýrari heimildir til rafræns og stafræns aðgangs að gagnasöfnum Skattsins og Hagstofu Íslands er varðar fiskverð og afurðaverð. Þannig geti Verðlagsstofa betur stuðlað að markmiðum eftirlits sem stofunni er fengið, innleitt áhættumiðað samtímaeftirlit, aukið gagnsæi og stuðlað að styttri málsmeðferðartíma fyrir úrskurðarnefnd sjómanna og útvegsmanna. Frumvarpið mælir ekki fyrir um nýjar skyldur á hendur einstaklingum og fyrirtækjum.