Áformin varða ýmsar breytingar á lögum um sjúkratryggingar sem fyrirhugaðar eru og varða m.a. styttingu á biðtíma eftir sjúkratryggingu, endurskoðun á greiðsluþátttöku vegna veikinda og slysa utan EES auk ákvæða þar sem lögfestar eru með skýrum hætti heimildir Sjúkratrygginga til að afla upplýsinga sem eru stofnuninni nauðsynlegar, svo sem vegna ákvarðana um réttindi samkvæmt lögunum. Er einnig stefnt að því að skilgreina nánar réttindi sjúkratryggðra og breyta ákvæðum um miðlægan heilbrigðisþjónustugrunn og lyfjagagnagrunn m.t.t. þess hvaða upplýsingar ber að skrá í grunnana. Þá eru áformaðar ýmsar breytingar á ákvæðum sem lýsa ekki lengur gildandi framkvæmd hjá stofnuninni.