Til umsagnar
11.–19.10.2023
Í vinnslu
20.–19.10.2023
Samráði lokið
20.10.2023
Mál nr. S-194/2023
Birt: 11.10.2023
Fjöldi umsagna: 1
Drög að frumvarpi til laga
Atvinnuvegaráðuneytið
Sjávarútvegur og fiskeldi
Ein umsögn um málið barst í samráðsgátt. Í umsögninni kom m.a. fram að breytingatillagan sé til bóta en skerpa þurfi á nokkrum atriðum sem hægt væri að útfæra nánar í reglugerð um leyfisveitingar, einkum er varðar skilgreiningu á hvað felist í prófunum, um ráðstafanir til að koma í veg fyrir afla sé slíkt unnt sbr. markmið prófana, um ákveðin svæði fyrir prófanir, um skyldu um sjálfvirka ferilvöktun skipa og að Fiskistofa upplýsi Landhelgisgæsluna um tímasetningu og staðsetningu eftirlits og Hafrannsóknastofnun um aflaupplýsingar. Hægt verður að kveða á um ofangreind atriði í reglugerð.
Drög að frumvarpi til laga um breytingu á 13. gr. laga um veiðar í fiskveiðilandhelgi Íslands, nr. 79/1997 um leyfi til prófana á vinnslu- og veiðarfærabúnaði.
Kveðið á um nýja málsgrein í 13. gr. laga nr. 79/1997, um heimild fyrir ráðherra að veita skipum, sem hafa annars ekki leyfi til að stunda veiðar og vinnslu í fiskveiðilandhelginni, skilyrt, takmörkuð og tímabundin leyfi, til prófana á nýjum vinnslu- og veiðarfærabúnaði sem settur hefur verið í skipin hér á landi. Mikilvægt er að Ísland sem fiskveiðiþjóð hafi öfluga þjónustustarfsemi sem styður við nýtingu auðlinda úr sjó og að sú starfsemi sé samkeppnishæf við sambærilega starfsemi í öðrum ríkjum.
Umsagnir voru birtar jafnóðum og þær bárust. Skoða umsagnir.
Skrifstofa sjávarútvegs
mar@mar.is