Lögð er til breyting á 1. mgr. 2. gr. reglugerðar um framleiðslu og markaðssetningu aðila undir smáræðismörkum á matvælum og afhendingu frumframleiðenda á litlu magni matvæla beint til neytenda og staðbundinna smásölufyrirtækja. Með reglugerðardrögunum er lagt til að reglugerðin gildi einnig um sölu matvælaframleiðenda sem hafa gilt starfsleyfi frá sínu heilbrigðisumdæmi á forpökkuðum matvælum á matarmörkuðum þar sem skipuleggjendur/ábyrgðaraðilar markaðarins eru með leyfi frá heilbrigðiseftirliti svæðisins fyrir viðburðinum. Í samræmi við þessa breytingu er lagt til að heiti reglugerðarinnar verði jafnframt aðlöguð.