Með frumvarpinu er lagt til að fyrirtækjum sem eru í eigu eða undir meirihlutastjórn frumframleiðenda verði heimilt að eiga með sér samstarf um afmarkaða þætti líkt og tíðkast í nágrannalöndum.

Frumvarpið er í samræmi við áherslur sem birtast í landbúnaðarstefnu fyrir Ísland, sem samþykkt var á Alþingi í júní 2023. Í lið 6.2 í stefnunni kemur fram að tryggja skuli með löggjöf að innlendir framleiðendur hafi ekki lakara svigrúm til hagræðingar og samstarfs en framleiðendur í nágrannalöndunum þar sem starfað er samkvæmt EES- löggjöf. Við samningu frumvarpsins var einkum horft til reglna ESB á þessu sviði. Frumvarpið miðar að því að styrkja stöðu framleiðenda búvara og skapa tækifæri til aukinnar samvinnu og verðmætasköpunar.