Gerðar voru breytingar á lögum um réttindi og skyldur starfsmanna ríkisins nr. 70/1996 með lögum nr. 130/2016 um kjararáð sem tóku gildi 1. júlí 2017. Bætt var við nýrri grein, 39. gr. c, en 2. mgr. er svohljóðandi: Forstöðumaður, í samráði við hlutaðeigandi ráðherra, getur gert samning um starfslok við starfsmenn stofnunar. Ráðherra setur nánari reglur um við hvaða aðstæður forstöðumanni er heimilt að gera samning um starfslok og helstu efnisþætti slíks samnings.

Ráðuneytið hefur unnið drög að reglum um starfslokasamninga sem byggja á eftirfarandi sjónarmiðum:

• Starfslokasamningur er tvíhliða samkomulag milli aðila um starfslok og er slíkur samningur ekki stjórnvaldsákvörðun í skilningi stjórnsýslulaga

nr. 37/1993 heldur telst gerð hans hluti af stjórnunarheimildum vinnuveitanda.

• Starfslokasamningi verður ekki jafnað til ráðningarsamnings heldur er með slíkum samningi samið um lok þess ráðningarsamnings sem í gildi

hefur verið milli aðila m.a. með greiðslu/m til starfsmanns vegna starfslokanna.

• Efni starfslokasamnings ræðst af því sem samið er um með þeim einu takmörkunum að samningurinn brjóti ekki í bága við lágmarkskjör

kjarasamninga og laga.

• Stjórnvöld geta ekki samið sig frá ófrávíkjanlegum reglum.

• Ábyrgð og heimild fyrir gerð starfslokasamninga er hjá viðkomandi forstöðumanni/stjórn.

• Með samráði við fagráðuneyti felst eftirlitshlutverk og aðhald. Fari forstöðumaður út fyrir heimildir sínar er það hlutverk fagráðuneytisins að

grípa inn í og benda forstöðumanni á hvaða afleiðingar það getur haft í för með sér.

• Við gerð starfslokasamninga er nauðsynlegt að gætt sé að jafnræði og samræmi um það hvaða starfsmenn eiga kost á slíkum samningum og

um efni þeirra. Jafnframt að ekki sé gengið gegn lagareglum sem lúta að réttaröryggi starfsmanna.

• Greiðslur samkvæmt starfslokasamningi eru ekki laun heldur umsamin greiðsla vegna starfsloka sem ýmist er greidd sem eingreiðsla eða

dreift yfir ákveðið tímabil. Um greiðslur er að ræða eftir lok ráðningarsamnings á milli aðila og er starfsmaður því ekki að fá greidd laun vegna

starfs síns enda hefur hann látið af starfi og er ekki að inna af hendi vinnu fyrir stofnun gegn greiðslu.

• Greiðslur samkvæmt starfslokasamningi skulu merktar sérstaklega í launakerfi stofnanna.

• Mismunandi skyldur fylgja því að greiða laun, annars vegar, og svo starfslokagreiðslu, hins vegar. Greiðsla launa fylgja t.d. launatengd gjöld og

lífeyrissjóðsgjöld. Við greiðslu umsaminnar fjárhæðar vegna starfslokasamnings er greiddur tekjuskattur.