Lagðar eru til þrjár breytingar á gjaldskránni. Í fyrsta lagi hækkun tímagjalds fyrir þjónustu eða vinnuframlag utan hefðbundins vinnutíma og/eða starfstöðvar, úr 10.000 í 13.900 kr., þar sem núverandi fjárhæð nemur ekki lengur útlögðum launakostnaði sýslumannsembættanna vegna viðbótarþjónustu utan hefðbundins vinnutíma og/eða starfsstöðvar. Í öðru lagi að afmörkun á hefðbundnum opnunartíma embættanna verði breytt, úr kl. 08:00 – 16:00 í 08:00 – 15:00, til samræmis við þær breytingar sem fylgdu styttingu vinnuvikunnar. Í þriðja lagi að heiti gjaldskrárinnar verði breytt svo það endurspegli betur efnisákvæði gjaldskrárinnar.

Gjaldskráin er sett með heimild í 8. gr. laga nr. 50/2014 um framkvæmdarvald og stjórnsýslu ríkisins í héraði.