Með frumvarpinu eru lagðar til breytingar á lögum um fyrirtækjaskrá og fleiri lagabálkum vegna ákvæða í tilskipunum ESB og framkvæmdarreglugerðum framkvæmdastjórnar ESB um samteningarkerfi skráa skv. 22. gr. tilskipunar (ESB) 2017/1132. Í framangreindu ákvæði er kveðið á um að samteningu aðal-, fyrirtækja- og félagaskráa í aðildarríkjunum. Í ákvæðum tilskipunarinnar og framkvæmdareglugerða framkvæmdastjórnarinnar settra á grundvelli hennar er kveðið á um að nánar tilgreindar upplýsingar um hlutafélög, einkahlutafélög, útbú erlendra hlutafélaga og einkahlutafélaga skuli vera aðgengilegar í gegnum samteningarkerfið. Einnig er í tilskipun (ESB) 2015/849 kveðið á um aðgang lögbærra yfirvalda og tilkynningaskyldra aðila eins og þeir eru skilgreindir í tilskipuninni að upplýsingum um raunverulega eigendur lögaðila í gegnum samteningarkerfið.