Raforkuöryggi og tryggt framboð raforku eru grundvallarþáttur í þjóðaröryggi Íslands.

Á síðustu árum hefur nýting virkjana farið jafnt og þétt vaxandi. Eftirspurn hefur vaxið hraðar en sem nemur auknu framboði. Afleiðingin er minna svigrúm til að bregðast við áföllum í vinnslu- og flutningskerfi raforku, eða óvæntri minnkun á framboði á heildsölumarkaði og almennum markaði. Þetta getur skapað veikleika í raforkuöryggi að því er varðar framleiðsluöryggi og nægjanlegt raforkuframboð til. næstu tveggja til fimm ára.

Í ágúst 2020 skilaði starfshópur skýrslu um orkuöryggi á heildsölumarkaði fyrir raforku. Í júní 2022 skilaði starfshópur um orkuöryggi tillögum til ráðherra um ýmsar úrbætur á regluverki.

Útfæra þarf viðmið um fullnægjandi raforkuöryggi og framboð á raforku og skýra þarf hlutverk og ábyrgð aðila á raforkumarkaði sem og möguleg inngrip í raforkumarkaðinn ef þess gerist þörf.

Frestur til gerð athugasemda um áformin er til 27. febrúar nk.