Við framkvæmd á lögum um útlendinga nr. 80/2016, sem tóku gildi 1. janúar 2017, hefur komið í ljós að lagfæra, endurskoða og breyta þarf einstaka ákvæðum þeirra varðandi útgáfu dvalarleyfa, svo sem vegna starfa sem krefjast sérfræðiþekkingar, vegna skorts á starfsfólki og vegna vistráðningar. Áformað er að leggja fram frumvarp til að breyta þessum ákvæðum en fyrirhugað er að flestar breytingarnar verði ívilnandi fyrir umsækjendur um dvalarleyfi og dvalarleyfishafa. Frumvarpið er liður í því að styrkja og bæta gæði við úrvinnslu umsókna um dvalarleyfi.