Til umsagnar
27.10.–10.11.2022
Í vinnslu
11.–30.11.2022
Samráði lokið
1.12.2022
Mál nr. S-204/2022
Birt: 27.10.2022
Fjöldi umsagna: 2
Drög að frumvarpi til laga
Atvinnuvegaráðuneytið
Sjávarútvegur og fiskeldi
Í umsögnum kom fram bæði stuðningur og andstaða við að dregið sé úr sveigjanleika fiskveiðistjórnarkerfisins. Ráðuneytið tekur fram að það er markmið frumvarpsins að draga úr sveigjanleikanum er varðar tegundatilfærslu deilistofa botnfisks, sem er í tegundunum gullkarfi og grálúða. Þá má segja að verið sé að lögfesta heimild til færslu á aflamarki skipa í deilistofnum uppsjávartegunda (kolmunna, makríl og norsk-íslenskri síld) á milli ára. Umsagnir leiddu til breytinga á frumvarpi er varðar uppsetningu ákvæða og hlutfalls heimildar til færslu og umframveiði milli ára.
Lögð er til breyting á 11. gr. laga um stjórn fiskveiða sem varðar afnám tegundatilfærslu í deilistofnum botnfisks og einnig heimild til færslu aflamarks og veiði tiltekinna tegunda milli ára.
Lagt er til að breyta ákvæði um tegundatilfærslu deilistofna botnfisks í 1. mgr. 11. gr. laganna þannig að heimildin gildi ekki um þá stofna. Þessari leið er ætlað að skila þeim árangri að ekki verði hægt að nýta sveigjanleika í aflamarkskerfinu hvað varðar deilistofna botnsfisks. Þá er lagt til að sömu heimildir gildi fyrir hryggleysingja og deilistofna uppsjávartegunda (norsk-íslenskrar síldar, kolmunna og makríls) og gildir um aðra nytjastofna sjávar þegar kemur að færslu aflamarks milli ára til sveiflujöfnunar, í 3. og 4. mgr. 11. gr. laganna.
Umsagnir voru birtar jafnóðum og þær bárust. Skoða umsagnir.
Skrifstofa sjávarútvegs
mar@mar.is