Tillaga að svæðisskipulagi fyrir Austurland til ársins 2044 er hér með birt til kynningar og athugasemda í samráðsgátt stjórnvalda en hún er líka aðgengileg á vef Austurbrúar.

Í tillögunni er sett fram sameiginleg stefna sveitarfélaganna í landshlutanum á sviði umhverfis, efnahags, samfélags og menningar með það að markmiði að Austurland verði æ betra til búsetu, atvinnu og ferðalaga.

Öllum er frjálst að senda inn umsagnir og þeim skal skila inn rafrænt hér í samráðsgáttinni eða á netfangið svaedisskipulag@austurbru.is fyrir 20. ágúst 2022.

Auglýsing tillögunnar og tilheyrandi umhverfismatsskýrslu er á grundvelli 24. gr. skipulagslaga nr. 123/2010 og 15. gr. laga um umhverfismat framkvæmda og áætlana nr. 111/2021.

Nánari upplýsingar um Svæðisskipulag Austurlands 2022-2044 er að finna á austurbru.is

Svæðisskipulagsnefnd SSA