Umhverfis-, orku- og loftslagsráðuneytið hefur sett til kynningar í samráðsgátt stjórnvalda drög að frumvarpi til breytinga á raforkulögum. Með frumvarpinu er lagt til að tekið verði sérstaklega fram í lögunum að stjórnvöldum skuli heimilt að sjá til þess að þeir sem eru með virka neysluveitu hafi ávallt gildan raforkusölusamning við sölufyrirtæki.

Í nýlegum úrskurðum úrskurðanefndar raforkmála taldi nefndin ákvæði reglugerðar um útnefningu Orkustofnunar á söluaðila til þrautavara skorti lagastoð.

Með slíkri útnefningu Orkustofnunar er átt við að notendur sem ekki hafa gildan raforkusölusamning við sölufyrirtæki eru settir í viðskipti við það sölufyrirtæki sem Orkustofnun hefur útnefnt söluaðila til þrautavara. Í ljósi úrskurðarins er tilefni til að styrkja frekar lagastoð fyrir heimildum stjórnvalda til að grípa til ráðstafana til að tryggja að virkir notendur raforku hafi í gildi raforkusölusamning við sölufyrirtæki, svo sem heimild stjórnvalda til að útnefna sölufyrirtæki til þrautavara.