Vorið 2021 fór af stað verkefni sem snýst um að byggja upp nýja mannvirkjaskrá hjá Húsnæðis- og mannvirkjastofnun. Verkefnið er hluti af stærra viðfangsefni sem lýtur að því að til verði áreiðanlegar rauntímaupplýsingar um mannvirkjagerð, tegundir fasteigna, notkunarsvið og stöðuna á húsnæðismarkaði með rekstri nútímalegra gagnagrunna. Þannig er stefnt að því til lengri tíma að öll byggingastig fasteigna verði samviskusamlega færð inn í grunninn sem verður opinn en einnig meiriháttar viðhaldsframkvæmdir á eldri byggingum, svo sem lagnaviðgerðir unnar að fagmönnum, meiriháttar þakviðgerðir o.s.frv. Til stóð að leggja fram frumvarp til að setja lagastoð undir mannvirkjaskrá, setja á fót fagráð og gera aðrar nauðsynlegar breytingar samanber áform nr. 230/2021 hér í samráðsgáttinni. Við nánari greiningu kom í ljós að lagastoðin var til staðar bæði fyrir mannvirkjaskránna og fagráðið. Með þeim frumvarpsdrögum sem hér eru lögð fram til umsagnar er því aðeins lagðar til lágmarksbreytingar á lögum um skráningu og mat fasteigna til að greiða götu mannvirkjarskrár hjá Húsnæðis- og mannvirkjastofnun.