Vorið 2021 fór af stað verkefni sem snýst um að byggja upp nýja mannvirkjaskrá hjá Húsnæðis- og mannvirkjastofnun. Verkefnið er hluti af stærra viðfangsefni sem lýtur að því að til verði áreiðanlegar rauntímaupplýsingar um mannvirkjagerð, tegundir fasteigna, notkunarsvið og stöðuna á húsnæðismarkaði með rekstri nútímalegra gagnagrunna. Þannig er stefnt að því til lengri tíma að öll byggingastig fasteigna verði samviskusamlega færð inn í grunninn sem verður opinn en einnig meiriháttar viðhaldsframkvæmdir á eldri byggingum, svo sem lagnaviðgerðir unnar að fagmönnum, meiriháttar þakviðgerðir o.s.frv. Áformað er að bæta inn heimildum fyrir mannvirkjaskrá í lög um skráningu og mat fasteigna og lög um húsnæðis og mannvirkjastofnun.