Samkvæmt lögum um vakstöð siglinga, nr. 61/2003, fara Samgöngustofa og Vegagerðin með framkvæmd laganna. Neyðarlínan annast síðan rekstur vakstöðvarinnar samkvæmt þjónustusamningi við ríkið en í framkvæmd er það Landhelgisgæsla Íslands sem fer með daglega stjórn hennar. Fyrirkomulag þetta þykir flókið og getur leitt til þess að ábyrgð aðila verði óskýr.

Ákvæði 3. mgr. 5. gr. varðar árgjald eigenda skipa fyrir þjónustu í sjálfvirka tilkynningarkerfinu. Að mati samgöngu- og sveitarstórnarráðuneytisins er ákvæðið ekki nægilega skýrt. Skera þurfi úr um hvort innheimta skuli þjónustugjald eða skatt.