Með frumvarpinu er lagt til að endurskoða gildandi fyrirkomulag nokkurra úrskurðarnefnda. Nánar tiltekið er lagt til að úrskurðarnefnd í vátryggingarmálum, úrskurðarnefnd um viðskipti við fjármálafyrirtæki og úrskurðarnefnd um dreifingu vátrygginga verði ekki lengur lögbundnar. Þá er lagt til að eftirlitsnefnd fasteignasala taki ekki lengur til meðferðar einkaréttarlegan ágreining um þóknun eða skaðabætur vegna starfa fasteignasala. Þá er lagt til að gera breytingar á lögum um úrskurðaraðila á sviði neytendamála, nr. 81/2019, til að skýra nánar lögsögu lögbundinna og viðurkenndra úrskurðaraðila.

Markmið frumvarpsins er að deilur neytenda við fjármálafyrirtæki, vátryggingarfyrirtæki, vátryggingamiðlara og fasteignasala verði framvegis leystar hjá frjálsum viðurkenndum úrskurðaraðilum í stað lögbundinna úrskurðaraðila.