Í 2. mgr. 24. gr. laga um skráningu einstaklinga kemur fram að bann við heildarafhendingu þjóðskrár, sem kveðið er á um í 2. mgr. 12. gr. laganna, skuli taka gildi 1. janúar 2021. Eins og staðan er í dag er ljóst að ekki mun takast að ljúka við að breyta miðlun þjóðskrár fyrir gildistöku ákvæðisins þann 1. janúar nk. á þann hátt sem framangreind lagaákvæði kveða á um. Í ljósi framangreinds er nauðsynlegt að fresta gildistöku til 1. júní 2022.

Þá kemur fram í 11. gr. laga um skráningu einstaklinga nr. 140/2019 þá geta útlendingar, vegna sérstakra hagsmuna hér á landi fengið útgefna kerfiskennitölur. Þessar kerfiskennitölur eru til hagsbóta fyrir opinbera stofnanir, t.d. ef þessir einstaklingar þurfa að greiða skatt, nýta læknisþjónustu o.fl. Í ljós hefur komið að nauðsynlegt þykir að gefa út kerfiskennitölur fyrir andvana fædd börn sem fæðast eftir 22. viku meðgöngu. Þetta er nauðsynlegt til auðkenningar í skrám landlæknis og annarra heilbrigðisstofnana. Barnið uppfyllir ekki kröfur til að fá venjulega kennitölu og því er þetta nauðsynlegt.