Í áformuðu frumvarpi er áætlað að leggja til að afnema eða rýmka eins og mögulegt er þær takmarkanir sem felast í núgildandi löggjöf um mannanöfn. Hafa ákvarðanir mannanafnanefndar þótt benda til þess að löggjöf um mannanöfn sé of ströng og að erfitt geti verið að fá nöfn skráð hér á landi ef þau eru ekki fyllilega í samræmi við íslenskan rithátt og málhefð. Með víðtækari heimildum til skráningar nafna er talið að ekki verði þörf á að hafa mannanafnanefnd og er því ráðgert að leggja til í frumvarpinu að hún verði lögð niður.