Annars vegar er áformað að breyta lögum um vátryggingastarfsemi nr. 100/2016, vegna innleiðingar á tilskipun 2009/138/EB, um stofnun og rekstur fyrirtækja á sviði vátrygginga og endurtrygginga og hins vegar er áformað að breyta lögum um vátryggingastarfsemi nr. 100/2016 og lögum um fjármálafyrirtæki nr. 161/2002 vegna búsetuskilyrða stjórnarmanna og framkvæmdastjóra á þann hátt að búsetuskilyrði laga um hlutafélög nr. 2/1995 muni gilda. Í 2. mgr. 66. gr. þeirra laga kemur fram að framkvæmdastjórar og minnst helmingur stjórnarmanna skuli vera búsettir hér á landi nema veitt sé undanþága frá því. Búsetuskilyrðið gildir þó ekki um ríkisborgara EES- og EFTA-ríkja og Færeyinga og þá sem búsettir eru á EES svæðinu