Með lögum nr. 100/2016, um vátryggingastarfsemi og lögum nr. 60/2017, um vátryggingasamstæður var megin efni tilskipunar 2009/138/EB, um stofnun og rekstur fyrirtækja á sviði vátrygginga og endurtrygginga, innleitt. Í báðum lögunum eru heimildir fyrir Fjármálaeftirlitið að setja reglur um afmarkaða þætti. Reglurnar byggjast á framkvæmdareglugerð framkvæmdastjórnar ESB.

Í frumvarpinu er Fjármálaeftirlitinu veitt heimild til að setja reglur og ráðherra veitt heimild til að setja reglugerð sem byggjast á framkvæmdareglugerðum framkvæmdastjórnar ESB. Auk þess er útfærð nánar heimild ráðherra til að setja reglugerð um áhættulausan vaxtaferil vegna núvirðingar á vátryggingaskuld og heimild Fjármálaeftirlisins til að setja reglur vegna skýrslugerðar vátryggingasamstæðu.