Þjónustuaðili
Háskólinn á Akureyri
Upplýsingar um starf
Starf
Aðjúnkt í samfélagsgeðhjúkrun
Staðsetning
Norðurland eystra
Starfshlutfall
49%
Starf skráð
26.04.2024
Umsóknarfrestur
19.06.2024
Aðjúnkt í samfélagsgeðhjúkrun
Laust er til umsóknar starf aðjúnkts í samfélagsgeðhjúkrun innan námsbrautar fagnáms fyrir sjúkraliða
Háskólinn á Akureyri auglýsir lausa til umsóknar tímabundna 49% stöðu aðjúnkts við námsbraut fagnáms sjúkraliða með áherslu á kennslu á kjörsviði samfélagsgeðhjúkrunar. Leitað er að einstaklingi með góða þekkingu á sviði samfélagsgeðþjónustu.
Helstu verkefni og ábyrgð
Starfið felur í sér að hafa umsjón með námskeiðum í samfélagsgeðhjúkrun, fræðilega og klíníska kennslu og stjórnun við námsbraut fagnáms sjúkraliða. Aðjúnktsstaðan er án rannsóknarskyldu. Næsti yfirmaður verður deildarforseti Hjúkrunarfræðideildar Heilbrigðis, viðskipta- og raunvísindasviðs. Starfsvettvangur er Háskólinn á Akureyri. Staðan er veitt frá og með 1. ágúst 2024 eða eftir samkomulagi. Ráðning er tímabundin til tveggja ára.
Háskólinn á Akureyri er eini háskólinn á Íslandi sem býður upp á fagnám til diplómaprófs fyrir starfandi sjúkraliða. Námið er 60 ECTS einingar, tekið á tveimur árum og gert er ráð fyrir að nemendur starfi við sitt kjörsvið á námstímanum. Starfinu fylgir möguleiki á þátttöku í þróunarstarfi og uppbyggingu fagmenntunar heilbrigðisstétta til framtíðar auk kennslu í samfélagsgeðhjúkrun, öldrunar- og heimahjúkrun, klínískri kennslu á vettvangi og í hermisetri.
Hæfniskröfur
Grunnmenntun í heilbrigðisvísindum er krafa.
Meistarapróf sem nýtist í starfi er krafa.
Að minnsta kosti 2 ára klínísk reynsla á heilbrigðisstofnun og virkni í klínísku starfi er krafa.
Að minnsta kosti 2 ára starfsreynsla á sviði samfélagsgeðþjónustu er krafa.
Starf við samfélagsgeðþjónustu meðfram aðjúnktsstöðunni er krafa.
Reynsla af þátttöku í þverfaglegri teymisvinnu er kostur.
Sjúkraliðanám og viðbótarnám sjúkraliða er kostur.
Reynsla af háskólakennslu og fræðilegri og klínískri leiðbeiningu á háskólastigi er kostur.
Góð samstarfshæfni, lipurð í mannlegum samskiptum ásamt góðri færni í að miðla þekkingu.
Gott vald á íslensku og eða ensku, jafnt töluðu sem rituðu máli.
Umsókn skal fylgja:
Greinargott yfirlit yfir náms- og starfsferil.
Staðfest afrit af prófskírteinum á íslensku eða ensku.
Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
Tilnefna skal a.m.k. tvo umsagnaraðila og er æskilegt að einn þeirra sé næsti yfirmaður í núverandi eða fyrra starfi umsækjanda.
Við ráðningu verður miðað við, að sá er starfið hlýtur falli sem best að aðstæðum og þörfum námsbrautar fagnáms sjúkraliða við Háskólann á Akureyri.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008 með síðari breytingum, og reglur fyrir Háskólann á Akureyri. nr. 387/2009. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.
Starfshlutfall er 49%
Umsóknarfrestur er til og með 19.06.2024
Nánari upplýsingar veitir
Þorbjörg Jónsdóttir, torbj@unak.is
Sími: 4608477
Kristín Þórarinsdóttir, kristin@unak.is
Sími: 4608457
Þjónustuaðili
Háskólinn á Akureyri
Upplýsingar um starf
Starf
Aðjúnkt í samfélagsgeðhjúkrun
Staðsetning
Norðurland eystra
Starfshlutfall
49%
Starf skráð
26.04.2024
Umsóknarfrestur
19.06.2024