Barnið er yngra en 18 ára þegar umsókn er lögð fram.
Barnið á ekki maka.
Barnið á foreldri sem hefur dvalarleyfi sem flóttamaður á Íslandi og býr þar.
Barnið er í forsjá þess foreldris sem það sækir um fjölskyldusameiningu við.
Forsjáraðili sem ekki er líffræðilegt foreldri barns á ekki rétt á dvalarleyfi fyrir barnið nema forsjáraðilinn hafi jafnframt ættleitt það.
Ættleiðingu þarf að vera lokið áður en umsókn er lögð fram og hún þarf að vera gerð í samræmi við íslensk lög. Ef einstaklingur búsettur hér á landi ætlar að ættleiða barn erlendis, þarf forsamþykki sýslumanns fyrir henni, sjá lög um ættleiðingar númer 130/1999.
Barnið mun búa hjá forsjárforeldri sínu.
Ef báðir foreldrar fara með forsjá barns þarf það foreldri sem ekki er sótt um fjölskyldusameiningu við að samþykkja að barnið fái dvalarleyfi hér á landi.
Þjónustuaðili
Útlendingastofnun