Fara beint í efnið

Ísland.is appið

Með ríkið í vasanum

Áskoranir hins opinbera

Á þessari síðu birtast áskoranir frá opinberum aðilum sem leita lausna með nýsköpun og samstarfi við markaðinn. Bakvið hverja áskorun stendur raunveruleg þörf opinbers kaupanda – hvort sem er stofnun, sveitarfélag eða annað opinbert hlutafélag – sem vill kanna möguleika á nýjum lausnum til að bæta þjónustu, hækka gæði eða auka skilvirkni.

Með því að setja áskoranir fram á þennan hátt gefst fyrirtækjum tækifæri til að koma hugmyndum, tækni og sérþekkingu að borðinu á fyrstu stigum ferlisins. Þannig skapast grundvöllur fyrir opið samtal, sameiginlega greiningu og möguleg innkaup á nýsköpunarlausnum.

Markmiðið er að efla samkeppni, auðvelda tengslamyndun og hraða upptöku nýrra lausna sem styðja við umbætur í opinberri starfsemi.

Hver er þín áskorun?

Átt þú lausnina?

Áskoranir hins opinbera

Samþætting við innri sjúkraskrárkerfi Landspítala

Landspítali óskar eftir samstarfi við nýsköpunarfyrirtæki um samþættingu heilbrigðistæknilausna við nýja FHIR innviði í Heilsugátt.

Gervigreindarlausnir á sviði lögfræði

Fjársýslan og Umbra, fyrir hönd þátttakandi ráðuneyta, óskar eftir samstarfi við nýsköpunarfyrirtæki um prófanir á gervigreindarlausnum sem geta stutt störf lögfræðinga í opinberri stjórnsýslu.

Efling á læsi og ritun barna

Leik- og grunnskólar á Íslandi óska eftir samstarfi við nýsköpunarfyrirtæki sem bjóða lausnir sem stuðla að bættu læsi og aukinni ritfærni barna.

Snjallari birgðastýring á rekstrarvörum sjúkrahúsa

Sjúkrahús og heilbrigðisstofnanir standa frammi fyrir mikilli handavinnu við pöntun og birgðastýringu. Fjársýslan kynnir áskorun sem byggir á verkefni í Svíþjóð (Region Dalarna) og leitar samstarfs við nýsköpunarfyrirtæki sem geta boðið hagkvæmar og snjallar lausnir til að einfalda birgðaskráningu og bæta yfirsýn yfir neyslu.

Betri yfirsýn og samnýting í opinberum innkaupum

Fjársýslan leitar að lausnum sem gera opinberum stofnunum kleift að skipuleggja innkaup fram í tímann, sjá sameiginleg tækifæri og auðvelda samvinnu í stærri útboðum.

Gervigreind til framvindueftirlits í framkvæmdaverkefnum

Framkvæmdasýslan – Ríkiseignir (FSRE) er að kanna hvernig gervigreind getur stutt framvindueftirlit í opinberum framkvæmdaverkefnum—bæði á hönnunarstigi og framkvæmdastigi.