Til að fá að starfa við flugumferðarstjórn, þarf að sækja um skírteini flugumferðarstjóra. Umsækjandi þarf að vera handhafi nemaskírteinis í flugumferðarstjórn.
Nemaskírteini í flugumferðarstjórn
Til að fá slíkt skírteini þarf umsækjandi að uppfylla eftirfarandi skilyrði:
Hafa náð 18 ára aldri.
Vera handhafi gilds heilbrigðisvottorðs.
Hafa sýnt fram á fullnægjandi tungumálafærni í samræmi við ákvæði reglugerðar.
Hafa lokið viðurkenndri grunnþjálfun í flugumferðarstjórn.
Nemaskírteini veitir skírteinishafa eftirfarandi réttindi:
Rétt til að veita flugstjórnarþjónustu undir eftirliti starfsþjálfara.
Rétt til að sækja um starfsþjálfun innanlands sem og innan EES svæðisins.
Skírteini flugumferðarstjóra
Til þess að geta sótt um skírteini flugumferðarstjóra þarf umsækjandi að uppfylla eftirfarandi skilyrði:
Vera handhafi nemaskírteinis.
Vera með gilt heilbrigðisvottorð.
Sýna fram á tungumálafærni samkvæmt reglugerð.
Hafa lokið starfsþjálfun í flugstjórnardeild hjá veitanda flugumferðarþjónustu með fullnægjandi árangri og staðist viðeigandi próf.
Lög og reglur
Reglugerð (ESB) nr. 2015/340, innleidd með reglugerð um tæknilegar kröfur og stjórnsýslumeðferð fyrir skírteini og þjálfun flugumferðarstjóra nr. 854/2016.
Þjónustuaðili
Samgöngustofa