Sérnámsstöður í heimilislækningum við heilsugæslu HSU í Hveragerði

Heilbrigðisstofnun Suðurlands auglýsir lausar stöður sérnámslækna í heimilislækningum við heilsugæsluna í Hveragerði. Námið er byggt á marklýsingu fyrir sérnám í heimilislækningum og jafnframt taka sérnámslæknar vikulega þátt í fræðilegu námi og fyrirlestrum með öðrum sérnámslæknum í Reykjavík (hálfur dagur á viku).

Um er að ræða 100% starf og er næsti yfirmaður er yfirlæknir heilsugæslu við starfsstöðina.

Frábært tækifæri til að öðlast víðtæka reynslu með fjölbreyttu starfi heilsugæslu á landsbyggðinni.

Heilbrigðisstofnun Suðurlands veitir heilsugæslu-, sjúkrahúss-, bráða- og öldrunarþjónustu, auk þess að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

• Almennar lækningar, heilsuvernd og leiðbeiningar til skjólstæðinga og aðstandenda

• Almenn vaktþjónusta og bráðaþjónusta sem tengist heilsugæslunni á Selfossi

• Virkur þáttakandi í uppbyggingu og framþróun heilsugæslu ásamt fræðslu og vísindastarfi á stöðugt stækkandi heilbrigðisstofnun

• Þátttaka í verkefnum starfsstöðvar, þar sem áhersla er lögð á nýsköpun og framþróun

• Íslenskt lækningaleyfi er skilyrði

• Framúrskarandi hæfni í mannlegum samskiptum

• Hæfni í tjáningu í ræðu og riti

• Frumkvæði og sjálfstæð vinnubrögð

• Áreiðanleiki, jákvæðni og árangursmiðað viðhorf

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

• Störfin veitast frá 1.september 2025 eða samkvæmt nánara samkomulagi.

• Kennsluráð sérnámsins innan ÞÍH metur hæfi til formlegs sérnáms og getur einnig metið fyrri reynslu úr öðru starfsnámi.

• Um er að ræða 5 ára sérnám þar sem þrjú ár fara fram á heilsugæslunni á Selfossi og tvö ár á sjúkrasviði LSH eða HSU í samráði við kennslustjóra sérnámsins.

• Marklýsing sérnáms í heimilislækningum

https://throunarmidstod.is/library/Files/Markl%c3%bdsing%20%c3%ad%20heimilisl%c3%a6kningum%2004.10.2017.pdf

• Umsókninni þurfa að fylgja staðfestar upplýsingar um menntun, starfsleyfi, fyrri störf.