Skoðanir skipa í atvinnurekstri

Árlegar skoðanir

Skip skulu sæta skoðunum árlega sem skiptast í

• Búnaðarskoðun - öryggisbúnaður og annar búnaður um borð skoðaður

• Fjarskiptaskoðun - fjarskiptabúnaður og rafkerfi tengt fjarskiptum skoðuð

• Bolskoðun (ofan sjólínu) - ástand á bol skipsins skoðað

• Vél- og rafmagnsskoðun - Skoðun á vél og rafkerfi skipsins

• Kranaskoðun - Skoðun og prófun á krana til að athuga hvort að virkni hans sé rétt, en kraninn skal einnig álagsprófaður reglubundið.

Botnskoðun

• Botnskoðun tréskipa – tréskip skulu botnskoðuð árlega (neðan sjólínu) með skipið á þurru

• Botnsskoðun – að minnsta kosti tvær botnskoðanir (neðan sjólínu) skulu framkvæmdar með skipið á þurru yfir 5 ára skoðunarhring, en mest mega líða 36 mánuðir milli skoðana.

• Farþegaskip sem eru 24 metrar og lengri – botn þessara farþegaskipa skal skoðaður árlega. Að minnsta kosti tvær botnskoðanir skulu framkvæmdar á þurru, en aðrar skoðanir má framkvæma með viðurkenndum kafara.

Skoðanir á 5 ára fresti

• Öxul og stýrisskoðun - Öxull og stýrisbúnaður skipsins skoðaður

Aðrar skoðanir

Skip getur þurft að sæta öðrum skoðunum eftir stærð og gerð, s.s. skoðanir tengt mengun frá skipum (MARPOL samningurinn).

Laga og reglugerðastoð

• Skipalög nr. 66/2021

• Reglugerð um skoðanir á skipum og búnaði þeirra nr. 466/2023