8. maí 2025

Ársfundur og ársskýrsla TR 2024

Tæplega 84.000 fengu greitt frá TR árið 2024 Ársskýrsla Tryggingastofnunar fyrir árið 2024 hefur verið birt og ársfundur TR var haldinn í dag, 8 maí. Á fundinum voru haldin fjölmörg erindi en Inga Sæland félags- og húsnæðismálaráðherra flutti ávarp þar sem meðal annars kom fram að þekking og reynsla starfsfólks TR væri ómetanleg. Stofnunin byggi sig undir að framkvæma viðamestu breytingar á almannatryggingum sem gerðar hefðu verið svo árum skipti þegar nýtt örorku- og endurhæfingarlífeyriskerfi tæki gildi í haust. Gildi TR um traust, samvinnu og metnað yrðu í fyrirrúmi í þeirri vinnu og kristölluðu það þétta og góða samskiptanet sem byggst hefði upp milli stofnunarinnar og ráðuneytisins.

29. apríl 2025

Kynning á nýju kerfi 9. maí á opnum streymisfundi

Til að upplýsa viðskiptavini sem eru með örorkulífeyri í dag og færast í nýtt örorku- og endurhæfingarkerfi, verður boðið uppá opinn streymisfund föstudaginn 9. maí næstkomandi kl. 9.00 - 10.00.

9. apríl 2025

Nýr örorkulífeyrir frá 1. september birtur í greiðsluáætlunum

Nýtt örorkulífeyriskerfi tekur gildi 1. september 2025. Hluti af innleiðingu nýja kerfisins eru útreikningar greiðslna fyrir þá einstaklinga sem eru með gilt örorkumat 31. ágúst 2025 og birtast í nýrri greiðsluáætlun fyrir árið 2025. Búið er að birta nýjar greiðsluáætlanir fyrir um 19.000 einstaklinga á Mínum síðum TR. Langflest í hópnum fá hærri greiðslur.

19. mars 2025

Aðgangur að Mínum síðum TR með íslykli lokar 20. mars

Nú er ekki lengur hægt að opna Mínar síður TR með íslykli. Þessi ákvörðun er tekin vegna þess að ekki er lengur hægt að styðja við notkun íslykils á Ísland.is vegna alvarlegra veikleika og mikilvægi öruggrar innskráningar. Lokun íslykils er nauðsynleg til að tryggja öryggi viðkvæmra gagna þeirra sem nota þjónustu TR.

17. mars 2025

Áhrif frestunar töku ellilífeyris ef fæðingarár er 1958 eða síðar

Hægt er að fresta töku lífeyris frá Tryggingastofnun, líkt og hjá lífeyrissjóðum og fá hækkun á greiðslum vegna frestunarinnar. Frestunin helst í hendur við töku lífeyris frá lífeyrissjóðum. Eftir að taka lífeyris frá lífeyrirsjóðum er hafin þá er ekki lengur til staðar réttur á hækkun á lífeyri frá TR. Þetta á við þau sem eru fædd árið 1958 eða síðar.

17. mars 2025

Nýtt símkerfi tekið í notkun

Við höfum tekið í notkun nýtt símkerfi með það að markmiði að bæta enn frekar símsvörun og stytta biðtíma þegar hringt er til okkur. Þetta er liður í umbótastarfi Tryggingastofnunar, en til okkar leita fjölmargir símleiðis til að fá aðstoð og upplýsingar. Sem dæmi bárust rúmlega 67.000 símtöl árið 2023 til TR eða um 5.500 á mánuði að jafnaði. Mikilvægt er fyrir okkur að hafa öflugt símkerfi til að sinna viðskiptavinum okkar sem best. Í kjölfar innleiðingarinnar geta orðið einhverjar tafir fyrstu dagana og biðjum við viðskiptavini um að sýna okkur þolinmæði.

27. febrúar 2025

Launamiðar TR 2024 birtir á Mínum síðum

Tryggingastofnun hefur birt á Mínum síðum TR launamiða ársins 2024 fyrir um 77 þúsund einstaklinga með upphæðum sem eru forskráðar á skattframtal ársins 2025. Við vekjum athygli á að ekki er þörf á að breyta forskráðum upphæðum á skattframtali.

20. febrúar 2025

Þetta þarf ekki að vera flókið - kynningarmyndband um ellilífeyri

Þau sem eru að undirbúa umsókn um ellilífeyri frá TR og vilja fá nánari upplýsingar geta hér fyrir neðan nálgast upptöku af kynningu sem var flutt á fræðslufundi TR sem var haldinn var 12. febrúar sl.

3. febrúar 2025

Fræðslufundur 12. febrúar um ellilífeyri

TR býður upp á fræðslufund miðvikudaginn 12. febrúar kl. 16.00 – til 17.30 í Hlíðasmára 11 um ellilífeyrismál. Á fundinum verður farið yfir allt sem snýr að umsóknum um ellilífeyri hjá TR, greiðslufyrirkomulag og fleira.

16. janúar 2025

Rannsókn á örorku kvenna og karla á aldrinum 50 til 66 ára

Tryggingastofnun, Velferðarvaktin, Vinnueftirlitið og félags- og vinnumarkaðsráðuneytið standa saman að rannsókn á örorkulífeyri kvenna og karla á aldrinum 50 til 66 ára.