Umsóknarkerfi

Með notkun umsóknarkerfisins geta stofnanir farið að veita hvers kyns vottorð eða staðfestingar á skráningu til notenda í sjálfsafgreiðslu og sparað þannig tíma starfsfólks og notenda við afgreiðsluna. Með tengingu við greiðslugátt og afhendingu í stafrænt pósthólf á Ísland.is er gengið frá umsókn, greiðslu og afhendingu vottorða í einu og sama sjálfvirka ferlinu. 

Dæmi um slíkar umsóknir eru umsóknir um sakavottorð, skuldleysisvottorð og veðbókavottorð.

Umsóknarkerfið býður upp á sjálfvirknivæðingu í leyfisveitingu, þar sem forsendur leyfisins eru skoðaðar samhliða því að notandi sækir um og sjálft leyfið afhent samstundis ef notandinn uppfyllir öll skilyrði. Þær reglur sem gilda um veitingu leyfisins eru byggðar inn í umsóknarflæðið og notandinn upplýstur á mannamáli um ástæður þess að ekki er hægt að veita leyfið ef svo ber undir. Með tengingu við greiðslugátt og afhendingu í stafrænt pósthólf er gengið frá umsókn, greiðslu og afhendingu leyfisins í einu og sama sjálfvirka ferlinu.

Dæmi um slíkar umsóknir er t.d. umsókn um leyfi til setu í óskiptu búi, málflutningsleyfi fyrir héraðsdómi og leyfi til einkaskipti á dánarbúi.

Með umsóknarkerfinu geta stofnanir gert notendum kleift að gera breytingar á eigin skráningu í grunnskrám stofnunarinnar þar sem núverandi skráning og reglur um breytingar eru teknar inn í umsóknarflæðið og notandinn leiddur í átt að þeirri breytingu sem hann vill gera. Þurfi að kalla til þriðja aðila til álits eða samþykkis á breytingunni, býður umsóknarkerfið upp á að viðkomandi taki sér hlutverk í umsókninni og falli þannig inn í flæðið ásamt notandanum.

Dæmi um slíkar umsóknir eru umsóknir um breytingar á umráðamanni eða meðeiganda ökutækis og afskráning á ökutækjum.

Umsóknarkerfið gerir stofnunum kleift að bjóða upp á móttöku erinda þar sem notandi getur nálgast, séð og fylgst með stöðu síns erindis eftir að það er tekið til vinnslu. Undir erindi geta fallið, tilkynningar, kvartanir eða beiðnir þar sem taka þarf á móti upplýsingum eða gögnum frá notendum til vinnslu hjá stofnuninni.

Dæmi um slíkar umsóknir eru tilkynning um umráðaskipti ökutækis og kvörtun til Umboðsmanns Alþingis.

Umsóknarkerfið er með beintengingu við staðgreiðslugátt þar sem notendur geta greitt fyrir opinbera þjónustu með debet- eða kreditkorti. Reikningur og greiðsla bókast samstundis og sjálfvirkt í tekjubókhaldskerfi ríkisins (TBR) og rafrænn reikningur verður aðgengilegur notanda undir fjármálum á Mínum síðum.

Dæmi um umsóknir sem bjóða uppá greiðslur er umsókn um afskráningu ökutækis, umsókn um sakavottorð og umsókn um ríkisborgararétt.

Með umsóknarkerfi Ísland.is má færa styrkumsóknir yfir í notendavænt og einfalt viðmót þar sem gögnum um umsækjanda er safnað með beinum samskiptum við grunnskrár ríkisins og þannig dregið verulega úr afgreiðslutíma og handavinnu. Í þeim tilfellum þar sem úthlutunarreglur eru skýrar og gögnin til staðar, má framkvæma styrkbeiðnirnar í sjálfsafgreiðslu og afhenda niðurstöður í stafrænt pósthólf á Ísland.is.

Dæmi um slíkar umsóknir eru umsókn um rafbílastyrk og umsókn um styrk úr Framkvæmdarstjóði ferðamannastaða.