Stafrænt Ísland
Tengjum ríkið 2025
Tengjum ríkið, árleg ráðstefna Stafræns Íslands þar sem stafræn framtíð hins opinbera er umfjöllunarefnið. Ráðstefnan verður haldin þann 18. september 2025 á Hilton Nordica sem og í streymi.
Yfirskrift ráðstefnunnar í ár snýr að öryggi og stafrænni forystu á óstöðugum tímum en einn fyrirlesara er Valerya Ionan ráðgjafi ríkisstjórnar Úkraínu í stafrænum málum. Ítarleg dagskrá verður kynnt nánar í lok ágúst.
Að vanda verður fjöldi áhugaverðra erinda frá stofnunum sem hafa náð góðum árangri í stafrænni vegferð og stafrænni þjónustu. Í takti við þema ársins fáum við erindi frá lögreglunni, landskjörstjórn, dómstólasýslunni, Stafrænu Íslandi og fleiri sem koma að stafrænum innviðum. Fundarstjóri verður Guðmundur Arnar Sigmundsson forstöðumaður netöryggissveitarinnar CERT-IS.
Að morgni ráðstefnudags verða haldnar vinnustofur sem munu snúa að þjónustu, tækniumhverfi og þróun, Ísland.is og framtíðarsýn stafrænnar vegferðar hins opinbera. Þátttakendur á vinnustofunum fá sérstakt boð en þar á meðal eru forstöðumenn, þjónustustjórar, vefstjórar, tæknistjórar og gagnastjórar stofnana sem og fulltrúar fyrirtækja. Markmið með vinnustofunum er markvisst framlag í þá stafrænu þróun sem er framundan næstu misserin.
Vinnustofurnar verða frá 10-12 að morgni ráðstefnudags en ráðstefnan frá 12.30-17.
Miðaverð í ár er 9.900 kr. fyrir ráðstefnuna og 3.900 kr. í streymi.
