Hvað má finna á Mínum síðum?

Á Mínum síðum, sem opnaðar eru í vafra á tölvu, birtast gögn sem tilheyra þér frá þeim stofnunum sem innleitt hafa Mínar síður Ísland.is.

Í Ísland.is appinu birtast síðan lykilgögn, sem gott er að hafa við höndina, frá sömu stofnunum.

Öll móttaka, geymsla og vinnsla gagna er hjá stofnununum sjálfum. Mínar síður birta einungis þau gögn sem eru til.

Pósthólf

• Meginsamskiptaleið ríkisins er stafræn. Stofnanir sem hafa innleitt Stafræna pósthólfið senda gögn til notenda í gegnum pósthólfið á Mínum síðum Ísland.is.

Mínar upplýsingar

• Hér finnur notandi upplýsingar sínar og fjölskyldu sinnar úr þjóðskrá og/eða fyrirtækjaskrá.

• Stillingar fyrir viðmót Minna síðna og skráðar tengiliðaupplýsingar, svo sem netfang og sími viðkomandi.

• Upplýsingar um undirskriftalista sem viðkomandi hefur stofnað eða skrifað undir.

Fjármál

• Upplýsingar frá Fjársýslunni um fjárhagsstöðu hjá ríkissjóði og ýmsum stofnunum.

• Umsókn um skuldleysisvottorð.

• Umsókn um greiðsluáætlun skulda.

• Skráning kílómetragjalds ökutækja.

• Yfirlit yfir húsnæðisbætur.

Umsóknir

• Staða á stafrænum umsóknum notanda hjá ýmsum stofnunum.

Menntun

• Unnið er að því að því að koma öllum einkunnum úr menntakerfi Íslands á einn stað.

• Umsókn um nám í framhaldsskóla.

• Námsmat er birt úr samræmdum könnunarprófum grunnskóla, frá árinu 2020.

• Námsferill og útskriftir úr framhaldsskólum frá árinu 2001.

• Yfirlit yfir brautskráningar úr háskólanámi auk námsferilsyfirlits sé það til staðar.

Eignir og tæki

• Upplýsingar um þinglýstar fasteignir, lönd og lóðir frá Húsnæðis- og mannvirkjastofnun.

• Umsókn um veðbókarvottorð.

• Unnið er að því að koma upplýsingum um öll farartæki á einn stað.

• Upplýsingar um ökutæki notanda, ökutækjaferil og uppfletting í ökutækjaskrá Samgöngustofu.

• Skráning kílómetrastöðu ökutækja.

• Tilkynning um eigendaskipti ökutækis.

• Umsókn um nafnleynd í ökutækjaskrá.

• Umsókn um skilavottorð vegna förgunar ökutækis.

• Upplýsingar um skráðar vinnuvélar hjá Vinnueftirliti ríkisins.

• Yfirlit yfir skráð hugverkaréttindi hjá Hugverkastofu

Upplýsingar um skírteini og starfsleyfi

• Stafrænum skírteinum fjölgar ört en frá 1. júlí 2025 eru þau ekki lengur aðgengileg í símaveskjum, aðeins í Ísland.is appinu eða á Mínum síðum í vafra.

• Nú eru meðal annars birtar upplýsingar um ökuskírteini, Evrópska sjúkratryggingakortið, vinnuvélaréttindi, ADR-skírteini, skotvopnaleyfi og upplýsingar um vegabréf.

• Upplýsingar um vegabréf barna.

Starfsleyfi

• Unnið er að því að gera yfirlit yfir leyfisbréf og vottorð til starfsréttinda aðgengilegt á Mínum síðum.

• Að svo stöddu birtast einungis starfsleyfi kennara á Mínum síðum.

Aðgangsstýring

• Með aðgangsstýringu geta notendur veitt öðrum umboð, breytt eða eytt umboðum og séð yfirlit yfir þau umboð sem þau hafa. Einnig er hægt að veita öðrum aðgangsstýringarréttindi svo þeir geti veitt umboð fyrir hönd viðkomandi prókúruhafa.

• Notkunaryfirlit fyrir innskráningar notanda og notkun hans á Umboðskerfi Ísland.is.

Framfærsla

• Yfirlit yfir greiðslur frá almannatryggingum, svo sem elli-, örorku- og endurhæfingarlífeyrir.

• Greiðslu- og tekjuáætlun Tryggingastofnunar.

Heilsa

• Skráð heilsugæslustöð og tannlæknir.

• Upplýsingar um réttindastöðu og greiðsluþátttöku.

• Umsókn um staðfestingu á sjúkratryggingu.

• Skráð hjálpartæki og sérfæði hjá Sjúkratryggingum.

• Staða lyfjakaupa, lyfjareiknivél og lyfjaskírteini.

• Yfirlit yfir kostnaðarþáttöku Sjúkratrygginga í sjúkra-, tal- eða iðjuþjálfun.

• Afstaða til líffæragjafar.

Loftbrú

• Upplýsingar um réttindi til lækkunar flugfargjalda með Loftbrú.

• Umsóknir um niðurgreiðslu með Loftbrú og yfirlit yfir notkun viðkomandi frá Vegagerðinni.

Lög og reglur

• Upplýsingar og yfirlit yfir mál sem viðkomandi á mögulega í dóms- og réttarvörslukerfinu.