Hér má nálgast útsendingu viðburðarins á Teams.

Skipulagsstofnun boðar til upplýsingafundar um stafrænt deiliskipulag, þann 13. febrúar næstkomandi kl. 15:00-16.00.

Fundurinn fer fram í húsakynnum Skipulagsstofnunar og er jafnframt sendur út á Teams þar sem einnig verður hægt að taka þátt í umræðum. Lokað hefur verið fyrir skráningar í sal.

Eins og kunnugt er tóku ákvæði skipulagslaga um stafrænt deiliskipulag gildi um nýliðin áramót og hefur Skipulagsstofnun undirbúið innleiðingu þess undanfarna mánuði með ýmsu móti.

Á fundinum verður farið yfir innihald stafrænna deiliskipulagsgagna og hvernig innleiðingu þess verður háttað á komandi mánuðum.

Fundurinn er liður í kynningu stofnunarinnar á breyttu verklagi við gerð deiliskipulagsgagna.

Dagskrá:

Ólafur Árnason, forstjóri Skipulagsstofnunar opnar fundinn

Innihald stafræns deiliskipulags og yfirferð gagna. Albert Þorbergsson.

Innleiðing stafræns deiliskipulags. Guðrún Lára Sveinsdóttir.

Gert er ráð fyrir umræðum í lokin.