Skipulagsstofnun staðfesti 13. febrúar 2025 breytingu á Aðalskipulagi Rangárþings ytra 2016-2028 sem samþykkt var í sveitarstjórn 11. desember 2024.

Í breytingunni felst að verslunar- og þjónustusvæði VÞ9 er stækkað úr 2 hekturum í 12,7 hektara. Áætluð er uppbygging á hóteli með gistingu fyrir allt að 200 manns ásamt afþreyingarþjónustu s.s. heilsulind. Heildarbyggingarmagn er allt að 5000 m².

Málsmeðferð var samkvæmt 1. mgr. 36. gr. skipulagslaga

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.