Skipulagsstofnun staðfesti, 6. ágúst 2025 breytingu á Aðalskipulagi Húnavatnshrepps 2010-2022 sem samþykkt var í sveitarstjórn 10. júní 2025.

Í breytingunni felst að skilgreind eru fimm ný efnistökusvæði, Nautabúsnáma E64 (200.000 m3), Hjalli Syðri-Löngumýri E65 (200.000 m3), Leitisás E66 (300.000 m3), Ás gegnt Tindum E67 (350.000 m3) og Suðurás E68 (200.000 m3). Þá er skilmálum breytt fyrir eldra efnistökusvæði E3, Hnúksnámu og magn skilgreint sem 200.000 m3 en var 45.000 m3 og stærð verður 40.000 m2 en var 17.000 m2.

Málsmeðferð var samkvæmt 1. mgr. 36. gr. skipulagslaga nr. 123/2010.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.