Út eru komnar leiðbeiningar um ferli aðal- og deiliskipulags. Útgáfan er skref í endurskoðun leiðbeininga Skipulagsstofnunar um skipulag og umhverfismat, sem stofnunin vinnur nú að.

Leiðbeiningarnar gefa yfirlit yfir ferli við gerð nýs skipulags og verulegra- og óverulegra breytinga á skipulagi. Þeim er ætlað að nýtast til leiðbeiningar þeim sem koma að skipulagsferlinu með einum eða öðrum hætti.

Leitast er við að gefa heildstætt yfirlit yfir hvert ferli, allt frá lýsingu til staðfests skipulags og um leið gera grein fyrir hverju skrefi ferlisins og aðkomu þeirra aðila sem að því koma, með vísan í skipulagslög og -reglugerð.

Leiðbeiningarnar má nú finna undir útgefið efni hér á vef stofnunarinnar:

• Nýtt aðalskipulag

• Breyting á aðalskipulagi

• Frestun á gerð aðalskipulags

• Nýtt deiliskipulag

• Breyting á deiliskipulagi

Líkt og fyrr segir er útgáfa á leiðbeiningum um ferli við gerð aðal- og deiliskipulags hluti af stærra verkefni við endurskoðun á leiðbeiningum Skipulagsstofnunar. Hafir þú ábendingar um ofangreint, má koma þeim á framfæri á skipulag@skipulag.is