Samskiptamiðstöð heyrnarlausra og heyrnarskertra
Markmið Samskiptamiðstöðvar heyrnarlausra og heyrnarskertra er að stuðla að því að fólk sem notar íslenskt táknmál til samskipta geti sótt þjónustu í samfélaginu, á grundvelli íslensks táknmáls.
Táknmálstúlkun
Fólk sem notar íslenskt táknmál til samskipta í daglegu lífi, á rétt á þjónustu táknmálstúlks í samskiptum við opinbera aðila.
Táknmálskennsla
Hver sem hefur þörf fyrir táknmál skal eiga þess kost að læra og nota íslenskt táknmál, jafnskjótt og máltaka hefst eða frá þeim tíma sem heyrnarleysi, heyrnarskerðing eða samþætt sjón- og heyrnarskerðing hefur greinst. Sama rétt eiga nánustu aðstandendur.
SHH myndsímatúlkun
Frá klukkan 9 til 16 virka daga getur táknmálsfólk fengið táknmálstúlkun á símtali í gegnum appið SHH myndsímatúlkun,
Appið er aðgengilegt í App Store og Play Store.
Fréttir
Afmælisgjöf til Sólborgar
Í tilefni af 30 ára afmæli Sólborgar árið 2024, gaf Samskiptamiðstöð Sólborg sannkallaða táknmálsgjöf en það var hátíðarsögustund.
Lokað fyrir endurgjaldslausa túlkaþjónustu út júní
Fjármagn til endurgjaldslausrar túlkaþjónustu í daglegu lífi á 2. ársfjórðungi 2025 er uppurið. Myndsímatúlkun SHH verður því lokuð frá og með 4. júní til og með 30. júní. Ekki verður hægt að verða við beiðnum um endurgjaldslausa túlkun í daglegu lífi sem fara á fram á sama tímabili og hefur ekki þegar verið pöntuð. Túlkaþjónusta gegn gjaldi verður áfram veitt. Þriðjudaginn 1. júlí verður hægt að veita endurgjaldslausa túlkaþjónustu að nýju og þá opnar Myndsímatúlkun SHH aftur. Frá þeim degi verður afgreiðslutími Myndsímatúlkunar SHH kl. 10:00-14:00 um ófyrirséðan tíma.