Markmið Hollvina SAk er að styðja og styrkja starfsemi sjúkrahússins, meðal annars með því að vekja athygli á mikilvægi hennar og standa fyrir fjáröflun í samráði við framkvæmdastjórn. Með þessu framlagi sýna Hollvinir enn á ný hve mikils virði þeirra framlag er.  

Að þessu sinni afhentu Hollvinir: 

• Þrjá hægindastóla sem nýtast við vax- og hitameðferð í iðjuþjálfun, þar sem slökun og mýking eru mikilvægir þættir í meðferð við t.d. gigtarverkjum og stirðleika. 

• Tvær spjaldtölvur af flottustu gerð, sem verða notaðar við þjálfun og fræðslu í sjúkra- og iðjuþjálfun. 

• Ýmiss konar minni þjálfunarbúnað sem gefur kost á að auka fjölbreytni í þjálfun. 

Við hjá SAk erum afar þakklát fyrir þennan mikilvæga stuðning sem nýtist beint í þágu skjólstæðinga okkar og eflir faglega þjónustu á endurhæfingardeildinni.