Tilefni úttektanna eru nýlegar fréttir um meintan gagnastuld tveggja fyrrverandi lögreglumanna úr rannsóknum lögreglu og embættis sérstaks saksóknara.

Annars vegar hefur Persónuvernd til skoðunar hvort ákærendur eyði persónuupplýsingum í sönnunargögnum í samræmi við lög. Hins vegar er til athugunar hvort fullnægjandi öryggi persónuupplýsinga í sönnunargögnum sé tryggt með hliðsjón af þeirri hættu sem kann að stafa af því að þeir sem starfa á vegum embættanna, þ.m.t. verktakar, hagnýti á ólögmætan hátt þær persónuupplýsingar í sönnunargögnum sem þeir hafa aðgang að starfsins vegna.

Úttektirnar hafa þegar verið boðaðar og Persónuvernd kallað eftir gögnum og upplýsingum í þágu rannsóknarinnar.