Leyfi til umsýslu með NPA - Notendastýrð persónuleg aðstoð

Notendastýrð persónuleg aðstoð (NPA) þýðir að notandinn, sá sem fær aðstoðina, stjórnar ferðinni og er þjónustan ætluð fötluðu fólki sem þarf aðstoð í daglegu lífi.

NPA aðstoð

miðar að sjálfstæðu lífi fatlaðs fólks sem þarf viðvarandi aðstoð og þjónustu til þáttöku í

• athöfnum daglegs lífs

• heimilishaldi

• félagslífi

• námi

• atvinnulífi

Þegar notandinn skipuleggur og stýrir aðstoðinni sjálfur aukast möguleikar á

• að lifa sjálfstæðara og virkara lífi

• stjórna ferðinni og gera það sem hann þarf og langar til að gera

• sveigjanlegri aðstoði

Ef notandi á erfitt með það á hann rétt á að fá aðstoð við að skipuleggja hana.

Rekstrarleyfi umsýslu með NPA þjónustu

Markmið umsýslu með NPA þjónustu er að fatlað fólk eigi kost á bestu aðstoð/þjónustu sem unnt er að veita á hverjum tíma til að koma á móts við sérstakar stuðningsþarfir þess.

Fylgigögn með umsókn

• Samþykki fyrir öflun sakavottorðs umsækjanda

• Ferilskrá umsækjanda

• Staðfesting á því að hafa lokið grunn- og framhaldsnámskeiði í NPA hjá Félags- og vinnumarkaðsráðuneytinu

• Rekstraráætlun

• Útfyllt eyðublað fyrir áhættumat lítilla fyrirtækja með 1 til 9 starfsmenn.